DALAWANG taon na palang nakikipaglaban ang pinakamamahal na nanay ng Kapamilya actress-singer na si Maymay Entrata sa sakit na cancer.

Umiiyak na ikinuwento ng dalaga sa ilang piling miyembro ng entertainment media ngayong hapon na nagkaroon ng kumplikasyon sa kidney si Nanau Lorna  hanggang sa nauwi na nga ito sa Big C.

Ito raw ang dahilan kung bakit pabalik-balik siya sa Japan nitong mga nagdaang buwan kung saan sumailalim sa ilang medical treatment ang ina. Sa ngayon daw ay nasa Cagayan de Oro si Mommy Lorna.

“Yung treatment niya tuluy-tuloy pa rin for dialysis,” ang pahayag ni Maymay sa naganap na Star Magic Spotlight presscon hosted by DJ Jhai Ho.

Bukod dito, pati raw ang lola niya ay may karamdaman din, “Sabay sila pero mas malubha lang yung sa nanay ko.”

“Yung totoo, galing lang ako sa ospital kasi nga pabalik-balik kami sa ospital ngayon. Pero please po, huwag n’yo akong kaawaan.

“I just need your prayers lang, yun lang yun lang kailangan ko. Kaya isa sa mga pinakaayaw ko talagang mag-open up is ayoko yung parang ano ba…yung may awa kayo sa ‘kin.

“Pero ano, it will help me din para malaman n’yo kung saan ako nanggaling, yun yung nanay ko matagal nang may cancer, almost two years na.

“Kaya pabalik-balik ako sa Japan. Tapos ngayon, isa na lang sa pinaka-pinasasalamatan ko ay nakauwi siya two months ago. Kaya po hangga’t maaari po eh, nandiyan ako, kami (ng pamilya) kasama siya.

“Tapos kagabi lang sinugod na naman namin siya sa ospital. Yun yung sinabi ko na hindi ako umabot sa hindi sobrang okay at super okay-okay, nandito lang ako (sa gitna) kasi yun yung time na hindi ako okay at nalampasan ko yun.

“And dahil din yun sa Panginoon siyempre, yung acceptance kumbaga nandu’n na. At nandito ako sa point na kung saan…hangga’t may oras na all na makapiling ko yung dalawang nanay ko (ina at lola) gagawin ko.

“Mahal na mahal ko sila, of course sobrang hirap pero praise God talaga dahil sa support ng friends ko, ng pamilya ko, yung mga co-workers ko mga boss ko.

“Umabot din sa point na hindi ako okay or hindi ko na nakayanan yung emosyon ko, nandiyan talaga sila lagi 100 percent na sumusuporta sa akin.

“So yun din po ang dahilan kung bakit on an off ako sa sa showbiz this past few years po,” paliwanag pa ni Maymay.