Nagbigay na umano ng pahayag ang ina ni Karylle na si Zsa Zsa Padilla hinggil sa trending video ng pang-didisrespect umano ni Vice Ganda sa kanyang anak sa isang segment ng It’s Showtime. 

Matatandaan na umalma ang ilang mga netizens sa tila pagiging invisible at hindi pagbibigay halaga kay Karylle sa show sa kabila ng thirteen years na pagiging host nito.

Iginiit pa ng ilan na hindi ito ang unang pagkakataon na tila ba ay dinidisrespect ni Vice Ganda si Karylle kung saan palagi na lamang nitong binabara si Karylle.

Samantala, inamin naman ni Vice na medyo nasubrahan ang kanyang pagbibiro kay Karylle at nangangakong babawi na sa kanyang co-host.

Nagbigay na rin ng pahayag ang ina ni Karylle sa isang panayam at sinabing tila hindi naman dinamdam ni Karylle ang ginawa ni Vice dahil wala naman itong naikukwento sa kanya. Subalit, hiling ni Zsa Zsa na sana ay bigyan naman ng mahabang exxposure ang kanyang anak sa It’s Showtime.

Ayon kay Zsa Zsa, deserve naman ni Karylle na mabigyan ng mahabang exposure ng kanyang anak dahil makikita naman ang kahusayan nito sa pagiging host.

Matatandaan na lalong kumunti ang mga exposure ng ilang host dahil sa pandadaragdag ng ilan pang host sa nasabing show.