Sinagot ni Sunshine Cruz ang isang netizen na bumabatikos sa kanya dahil tila sobrang close niya sa dating asawang si Cesar Montano at sa partner nitong si Kath Angeles matapos muli silang makasama ngayong New Year’s Eve.Noong January 1, nagpost si Sunshine sa kanyang Instagram account para pasalamatan ang mag-asawa sa pag-host ng kanilang New Year’s Eve dinner habang ibinahagi niya ang mga larawan niya kasama ang dalawa kasama ang mga anak ni Cesar — ​​sina Angelina, Sam, at Chesca. Naroon din si Diego Loyzaga, ang anak ni Cesar kay Teresa Loyzaga.

“Cesar and Kath, thank you for hosting tonight’s dinner. The girls and I had a wonderful time chatting and catching up with all of you. We’ve missed Bohol and masaya kami na nakasama namin kayo dito sa New Year celebration,” caption ng aktres.

Samantala, may isang netizen naman na nagsabing nagmukhang ewan si Sunshine matapos ang lahat ay nakuha pa nitong bumuntot sa kanyang ex at sa bagong gf nito. Agad naman itong sinagot ng aktres at ipinagdidiinan na pinili niyang mabuhay sa kapatawaran.

“Our family chose forgiveness and we are finally co-parenting. ‘Yang mga kagaya mo will never understand but this is our family and whatever works and makes the children happy, dun kami. Para sa mga anak,” sagot niya sa basher.

Sa huli ipinahayag ni Sunshine na napakasarap na mabuhay sa kapatawaran at dapat na magfocus ang lahat sa positive sides.

“Focus tayo sa positivity. Masarap po mabuhay nang may pagpapatawad at pagmamahal sa puso.”