Unti-unti nang nagkukuwento si Ruffa Gutierrez tungkol sa lalaking kasalukuyan niyang inspirasyon.

Sa panayam sa kanya ni Dr. Vicki Belo, walang binanggit na pangalan si Ruffa pero base sa sinabi nito, mahuhulaang si dating Quezon City mayor Herbert Bautista ang tinutukoy niya.

Matagal nang magkarelasyon ang dalawa pero ngayon lang nagkuwento si Ruffa tungkol sa maganda at positive influence ni Herbert sa kanya.

“Physical, that’s the first thing that you see. But para sa akin, importante to get the same values. You’re God-fearing, he protects you, you feel safe with them, he inspires you to be a better person.”

“And I think that person that I’m dating right now inspires me to be a better person”, Ibinunyag ni Ruffa sa pakikipag-usap nila ni Dr. Belo na mapapanood sa kanyang YouTube channel.

Patuloy ng aktres, “I’ve said it before and I’ll say it again. Hindi ako nakapagtapos ng college kung hindi dahil sa kanya. Sabi niya, kaya mo yan. Sabi ko, yeah okay. I’ll just take up short course. Uso noong pandemic yung master class.”

“3 months, 2 months. I even took up the Science of well-being in Yale University. 2 weeks lang yun.”