Love Triangle Story ni Rico Yan, Sabrina M at Claudine Barretto

Parehong nag-alay ng post sina Claudine Barretto at Sabrina M para alalahanin ang yumaong matinee idol na si Rico Yan sa ika-22 anibersaryo ng pagpanaw ng aktor nitong March 29, 2024.

Sa kanyang Facebook post, nagbahagi si Sabrina ng maikling mensahe at larawan para sa yumaong si Rico Yan.

“Remembering Rico Yan,” caption ni Sabrina sa kanyang post.

Naging laman ng mga usap-usapan sa social media at ilang mga entertainment news sites si Sabrina noong nakaraang taon matapos niyang isiwalat ang naging relasyon nila ni Rico Yan.

“Napakabait ni Rico Yan. After Claudine, naging kami ni Rico Yan. Matagal kaming nagkarelasyon. Taon. Noong nag-uumpisa na yung tsismis sa akin, dinudurog na agad ako. Rico Yan yan eh? Bakit siya pumatol sa isang sexy star? Bakit siya pumatol sa isang hubadera?” pagbabahagi noon ni Sabrina M kung saan binalikan niya ang naging relasyon nila matapos kay Claudine.

Kaagad namang nagreact ang legal council ni Claudine Barretto kung saan inilahad nila na ipinapalabas umano ni Sabrina M na naging two timer si Rico Yan. Hiniling din nila na sana ay maglabas ng public apology si Sabrina M.

“Pinalalabas po kasi ni Sabrina M na si Rico Yan ay two-timer at alam naman daw ni Claudine, kung alam ito ni Claudine ay napakababa naman ng moralidad ni Claudine na pumapayag siya na dalawa sila sa buhay ni Rico Yan?” pahayag ng abogado ni Claudine Barretto na si Atty. Ferdinand Topacio.

“Mag-apologize ka na lang Sabrina M since iisang mundo lang ginagalawan natin at ‘wag naman tayong gumamit ng taong wala na rito sa mundo hindi niya maipagtanggol ang sarili niya dahil wala na siya,” dagdag pa niya.

Samantala, nag-post naman ng video si Claudine sa Instagram bilang pagpupugay sa kanyang dating nobyo.