Veteran showbiz columnist at talent manager na si Lolit Solis humingi na ng sorry kay Bea Alonzo.

Matatandaang nagbigay na ng pahayag ang manager ni Bea Alonzo na si Shirley Kuan ukol sa mga pambabatikos ni Lolit Solis laban sa kanila. Kasunod nito ang pagpapalabas ni Lolit Solis na walang katotohanan ang mga sinabi ni Shirley Kuan na bully siya at bastos.

Samantala, usap-usapan ngayon ang panghihingi ng tawad ni Lolit Solis kay Bea Alonzo. Sa kabila kasi sa paghinging sorry ni Manay Lolit tila may mga pahaging pa rin ito laban kay Shirley Kuan na manager ni Bea Alonzo. Sinabi din ni Manay sa kanyang Instagram post na paborito niyang loveteam ay sina Bea Alonzo at John Lloyd Cruz. Tingin din umano niya na si Bea Alonzo ang pinakamaganda sa mundo ng showbiz.

Ayon sa post ni Manay na wala siyang galit kay Bea Alonzo. Naging sunod-sunod lamang umano ang pamababanat niya rito dahil sa mga fans ni Bea na galit sa kanya.

“Pero isang bagay na masasabi ko Salve at Gorgy, mas nalungkot ako sa pagdamay ni Shirley Kuan sa inyong dalawa. Overboard na para bang dahil malapit kayo sa akin, dapat kayong idamay ni Shirley Kuan. Nagsimula sa akin, dapat sa akin din magtapos. Aminado ako na dahil lang sa pagpatol sa mga bashing ng fans kaya naging sunod sunod ang kagagahan sinulat ko kay Bea Alonzo. For that, I Am Very Sorry. Naisip ko na ang tinamaan si Bea Alonzo na puwedeng nasaktan dahil sa mga nasabi at nasulat ko. At dahil Mahusay at Matalino ang kanyang manager na si Shirley Kuan, ipinag tanggol niya ang kanyang alaga. At pinaka magandang ginawa niya, ipa cancel ako sa presscon ng Beautiderm. At ang the height, isali sa cancellation sila Salve at Gorgy. Brilliant idea, very intelligent move from a very successful number 1 manager , Shirley Kuan. Now, the rest is history. Ako na ngayon ang bully. Ako na ngayon ang may sala. To think na favorite loveteam ko ang John Lloyd Cruz at Bea Alonzo. To think na para sa akin isa si Bea sa may pinaka magandang mukha sa showbiz. Me and my crooked sense of humor na hindi makuha ng lahat. Sa mga nakikisali sa issue, wala akong galit kay Bea Alonzo. Kung nasaktan siya, at ang mga nagmamahal sa kanya, I Am Very SORRY. Ako lang ang may kasalanan, huwag na ninyo isali sila Salve at Gorgy. At please, tigilan na ninyo ang pagiging plastic, sa buhay, dapat nasa kanan, o kaliwa ka lang. Iyon mga nasa gitna, umiiwas lang dahil mga duwag sila na ayaw madamay. Basta ako, alam ko aminin kung tama o mali ako. Hindi ako naging plastic kahit kailan. Bongga.”