Isang matinding rebelasyon ang yumanig sa showbiz ngayong linggo matapos basagin ni Jackie Forster, ina ni Kobe Paras, ang pananahimik tungkol sa kontrobersyal na hiwalayan ng kanyang anak at ng Kapuso actress na si Kyline Alcantara.

Matapos ang matagal na pananahimik, nagsalita na si Jackie upang ipagtanggol si Kobe laban sa mga akusasyon ng panloloko at pag-iwan kay Kyline. Ayon kay Jackie, “Gusto naming manahimik, pero sa pananahimik namin, mas lalo lang dumami ang kasinungalingan at paninirang puri.”

Sa isang emosyonal na pahayag, binunyag ni Jackie na si Kyline umano ang nagpasimula ng kaguluhan matapos ang kanilang US trip noong Enero. “May mga bagay na sinabi at ginawa na nagsilbing red flag,” sabi niya. Ipinunto pa ni Jackie na si Kobe ay ilang beses na rin daw nabastos hindi lamang kay Kyline kundi pati sa mga magulang nito.

Tinuring na Anak, Ngunit Niloko?

Isa sa mga mabigat na pahayag ni Jackie ay ang pagsiwalat na kahit si Andre Paras — kapatid ni Kobe — ay nadamay at binabatikos online matapos ipagtanggol ang kanyang kapatid. “Andre is the kindest human being you will ever meet,” ani Jackie.

Ayon pa sa kanya, sa kabila ng mga pangyayari, sinikap pa rin nilang konsoluhin si Kyline matapos ang breakup — isang patunay daw na hindi nila siniraan si Kyline sa likod nito. “We were trying to help her, not attack her,” dagdag niya.

Ngunit sa kabila ng lahat, nagulat ang pamilya Paras nang makita nila ang mga cryptic posts ng kampo ni Kyline, na ayon kay Jackie, ay naglalaman ng mga malisyosong insinuation laban kay Kobe.

“Pinilit nilang palabasin na niloko siya ni Kobe, kahit hanggang sa huling araw ay desperado pa rin si Kyline na bumalik si Kobe sa kanya,” pagbubunyag ni Jackie.

Pag-atake at Paninira

Hindi rin napigilan ni Jackie na ibunyag ang diumano’y “violence” na naranasan ni Kobe sa relasyon nila ni Kyline. Ayon sa kanya, hinablot ni Kyline ang cellphone ni Kobe at inatake ito, bagay na naging hudyat para tuluyan nang lisanin ni Kobe ang relasyon.

“He’s proud for walking away instead of retaliating,” sabi ni Jackie. “Proud ako sa anak ko dahil kahit sinaktan siya, hindi siya gumanti.”

Mas lalo pang uminit ang rebelasyon nang ibulgar ni Jackie ang diumano’y “learned behavior” ng pamilya ni Kyline, kung saan sinabing hindi raw maayos ang relasyon ng ama ni Kyline sa ina nito. “Kung tinuring ninyo si Kobe na parang anak, bakit ninyo siya pinahiya at pinabayaan?” tanong niya.

Pagkakaroon ng Prueba

Bilang pagtatapos, binigyang-diin ni Jackie na hindi sila basta nag-aakusa — hawak daw nila ang mga ebidensiya.

“Yes, Kyline, we keep proof,” aniya. “Huwag kayong magtangkang baliktarin ang kwento dahil handa kaming ipagtanggol ang katotohanan.”

“Sa mga naniniwala sa mga maling akusasyon, tandaan ninyo: Hindi lahat ng tahimik ay may kasalanan. Minsan, sila ang tunay na biktima.”