Tila hindi na nakapagtimpi si Vice Ganda at sinagot na ang mga isyu na ibinabato sa kanila ng mga co-hosts niya sa It’s Showtime. 

Matatandaang hindi sumipot si Vice Ganda sa grand finals ng Miss Q and A Kween of the Multibeks sa It’s Showtime noong Sabado.

Ayon sa Tweet ng netizens, “Ano ba problem ms vice? Bakit natitiis mo Kaming nga followers mo at ang viewers ng showtime. Finals last Saturday siguro naman kahit may shooting pwede Kang payagan ng producer na mag absent kahit one day Lang. Siguro nga totoo na Hindi na kayo ok ng mga cast ng showtime.”

Agad namang itong ni-retweet ni Vice at sinagot ang paratang nito.

“Totoo po lahat ng mga nasa isip n’yo. Wala naman po talagang dahilan kung bat ako absent last sat. Tinamad lang ako talaga. At totoong may mga issues kami ngayon sa showtime. Ang cast at ang direktor. At oras na para ipaalam ko sa inyo ang mga nangyayari para matapos na,” unang tweet ni Vice.

“Una, TOTOONG MAGKAAWAY KAMI NI ANNE. Matagal na tong alitan na to na di naayos. Its been 13yrs na di maresolve ang issue kung sino samin ang chaka. And last week nga ay umabot na sa sampalan. Nalunok nya ang kamay ko at till now di ko pa nababawi. I hate anne for life!”

“Pangalawa, last week nagsapakan si Jhong at si Ion. Magpartner kasi sila sa Magpasikat at hirap na hirap si Ion na magchoreo dahil mabagal pumick up ng sayaw si Jhong. Di makuha ni Jhong ang step ng LintikNaPagIbig at napikon na si Ion at nagpang abot sila.”

“Pangatlo, NAGMURAHAN SI TEDDY AT RYAN SA STUDIO. Nagpakulot kasi si Teddy sa Salon ni Ryan. Nangako si Ryan na maganda ang kalalabasan nito. Pagtapos magpakulot ay dumiretso na si Teddy sa studio ng masaya naman. Pagkita ni Ryan ay nagsorry ito. Ayun minura sya ni Teddy.”

“At eto na nga ang pang apat at pinakamalaking issue na kinakaharap ngayon ng showtime. Sinubukan nilang itago ito pero alam ko namang lalabas din sa takdang oras. Madlang People…….nabuntis ni Direk Jon Moll si Jugz.”

Idinagdag din ni Vice ang diumano’y pagkakaroon niya ng contract signing sa mga susunod na linggo.

“Ayan po ang mga dahilan ng mga away at kaguluhan sa showtime. Tama ang mga nasa isip nyo. Kaya naman tamad na tamad nakong pumasok. At dahil dyan gusto ko ng magresign. At dahil gusto ko ng magresign ay may contract signing po ako next next week. Ok na po?? Happy?? 🤪.”

Sa huli tila nagpahiwatig si Vice na babalik na siya sa It’s Showtime sa darating na myerkules.

“Happy 13’th Anniversary It’s Showtime!!! See u Wednesday! Miss u and love u!!!”